Калыптандыруучу баалоо бул - окуп–үйрөнүү процессинде жана окуунун алгачкы мезгилинде өзгөртүү киргизүү үчүн окуучунун өсүшүн баалоо. Мындан сырткары, калыптандыруучу баалоо окуучулардын өздөрүнүн өнүгүүсүн андап билип, байкоо жүргүзүүсүнө жана кийинки кадамдарын мугалимдин жардамы менен пландоосуна мүмкүндүк берет. «Калыптандыруучу баалоо» окуучунун жанында туруп ийгиликке жетелөө дегенди билдирет

Сунушталган макала болочок мугалимдерди «Манас» эпосундагы педагогиканын айрым бир салаасы болгон патриоттуулукка тарбиялоонун идеялары жана тажрыйбалары менен тааныштыруу максатын көздөйт.

Макалада жаңы типтеги мектептердин окуучуларынын өз алдынчалыгын активдештирүү проблемасынын түйүндүү жактары каралат. Белгилүү педагогдордун эмгектерин талдоонун жыйынтыгында лицейчилердин өз алдынча окуу иштеринин негизги элементтери аныкталды.

Макалада жогорку педагогикалык окуу жайларда болочок мугалимдерди этнопедагогикалык ишмердүүлүккө даярдоонун принциптери, мыйзам ченемдүүлүктөрү каралган.

Илимий макалада мектеп мугалимдеринин эмоционалдык компетенттүүлүгү изилденген. «Эмоция», «эмоционалдык интеллект» категориялары каралган. Бишкек жана Нарын шаарындагы айрым мектептерде тренинг жүргүзүлгөн. Стандарттык методика менен мектеп мугалимдеринин эмоционалдык багыттуулуктары аныкталган.

Бул макалада жогорку окуу жайында болочок педагогдорго кесиптик билим берүүдө студенттердин чыгармачыл ой-жүгүртүүсүн өстүрүү, өз алдынчалыгын калыптандыруу, дидактикалык сабаттуулуктарын өнүктүрүү максатында окутуунун ыкмаларын колдонуу чагылдырылды.

Окуу процесси - билимдин, билгичтиктин, көндүмдүн системасын аң- сезимдүүлүк менен өздөштүрүүгө багытталган окутуучунун жана окуучунун биргелешкен, акырындык менен жөнгө салынуучу аракеттеринин жыйындысы. Окуу процесси мугалимдердин окуучуларды жаңы материалдарды кабыл алууга даярдоосунан жана окуучулардын алдына туура максат коюусунан (окутуунун мотивин табуудан) башталат. Ошондой эле буга окуучулардын таяныч билимдерин актуалдаштыруу (логикалык кайталоо) дагы кирет.

Макалада мектеп окуучуларынын математика предметин окуп үйрөнүүгө кызыгууларын пайда кылуунун жана калыптандыруунун ыкмалары, ошондой эле тиешелүү мазмундары чагылдырылып көрсөтүлгөн.