Бул макалада көркөм чыгармалардагы автордук кеп менен каармандык кептин өз ара
байланышы, алардын лингвистикалык, стилистикалык табияты жөнүндө маалымат берилет. Автордук кеп менен каармандык кептин кээ бир учурларда биригип кетиши, аладын таасир этүү динамикасы каралат. Маселенин жалпы түркологияда изилдениш абалы анализге алынат.

Сүйлөмдүн башка мүчөлөрү сыяктуу эле толуктоочтун да өзүнө тиешелүү грамматикалык табияты бар: ал – сүйлөм тизмегинде кыймыл–аракеттин маанисин толуктоочу объект; башкаруучу этиш сөздүн лексикалык маанисинен келип чыгуучу өзүнө мүнөздүү грамматикалык формасы (барыш, табыш, жатыш, чыгыш жөндөмөлөрү) бар; толуктоочтун милдетин аткаруучу сөз түркүмдөрүнүн жана сөз тизмектеринин түзүлүш өзгөчөлүктөрүнө ылайык анын да ар түрдүү түзүлүштөрү кездешет; сүйлөмдүн бардык мүчөлөрүнүн сүйлөм тизмегинде калыпташкан түз орду болгон
сыяктуу толуктоочтун да орун алуу багыты бар.